Mysyrda jolaýshyǵa shabýyl jasaǵan jylannyń kesirinen ushaqty jerge qondyrýǵa májbúr boldy
ASTANA. 4 jeltoqsan. QazAqparat - Júksalǵyshtan qashyp ketip, jolaýshylardyń birin shaǵyp alǵan ýly jylan mysyrlyq EgyptAir kompanııasynyń ushaǵyn jedel túrde jerge qonýǵa májbúrledi. Oqys oqıǵa keshe Mysyrdan Kýveıtke ushyp bara jatqan ushaqtyń bortynda oryn aldy, dep habarlady «RIA Novostı» agenttigi.
Habarlanǵandaı, ushaqta kólbeńdep júrgen jylandy kórgen soń, jolaýshylar ony aıaqtarymen taptap óltirgen. Alaıda ýly jylan Iordanııanyń azamatyn shaǵyp úlgergen.
Ushaq Hýrgada qalasynyń áýejaıyna qonǵannan keıin qutqarýshylar zardap shegýshini aýrýhanaǵa jetkizdi. Ushaq kóp uzamaı alǵan baǵytyna qaraı ushty.
