Mysyrda jartasqa salynǵan 5 myń jyldyq sýretter tabyldy
ASTANA. QazAqparat -Mysyrdaǵy Asýan qalasynan ǵalymdar 5 myń jyl buryn ıeroglıftik stılde salynǵan jartastaǵy sýretter men jazýlardy tapty.
Bul týraly osy eldiń ejelgi ister jónindegi mınıstrliginiń ókili málim etti, dep habarlaıdy TASS.
Onyń aıtýynsha, biregeı jartastaǵy freskalar osy ýaqytqa deıin zamanaýı Egıpettiń aýmaǵynda tabylǵan zattardyń eń ejelgisi bolyp tabylady. Ony amerıkalyq Ielskıı ýnıversıteti men Belgııadaǵy Koroldik ásem ónerler mýzeıiniń mamandary Edfý qalasyna jaqyn ornalasqan El-Kabb jerinen tapqan.
Mamandardyń baǵalaýynsha, bizdiń zamanymyzdan kem degende 4000-3500 jyl burynǵy jartastarda birqatar janýarlar men qustardyń sýreti beınelengen. Ǵalymdar pilderdiń freskalaryna basty nazar aýdardy, sebebi ondaǵy pildiń býaz ekendigi aıqyn kórsetilgen. Sarapshylardyń aıtýynsha, bul ejelgi kórkemóner úshin biregeı týyndy bolyp sanalady.
