Mysyrda jańa konstıtýtsııanyń jobasy bekitildi
ASTANA. 2 jeltoqsan. QazAqparat - Mysyrdyń jańa konstıtýtsııasynyń jobasy bekitildi. Bul qadam bıylǵy shildede prezıdent Mýhammed Mýrsıdi taqtan taıdyrǵan áskerılerdiń demokratııalyq qaıta qurý turǵysyndaǵy ýádesiniń birinshi kezeńi dep atalýda.
Negizgi zańǵa ózgerister engizý boıynsha komıssııanyń jetekshisi Amr Musanyń aıtýynsha, konstıtýtsııa jobasy 247 baptan turady. Jaqyn arada ol Mysyrdyń ýaqytsha basshysy Adlı Mansurdyń maquldaýyna tapsyrylady, sodan keıin jalpyhalyqtyq referendýmǵa shyǵarylmaq.
Atalǵan qujatta konstıtýtsııa referendýmda bekitilgennen soń alty aıdan keıin elde saılaý ótkiziletini qarastyrylǵan. Sonymen qatar komıssııa músheleriniń basym bóligi elde aldymen prezıdenttik, sodan keıin parlamenttik saılaýdy ótkizýge daýys berdi.
