Mysyrda Van Gog sýretterin urlaǵandar sottalýda
ASTANA. Qyrkúıektiń 15-i. QazAqparat - Mysyrda daýly sot úderisi bastaldy. Sottalýshy 11 adam, barlyǵy da mádenıet mınıstrliginiń qyzmetkerleri, onyń ishinde atalǵan vedomstvo basshysynyń orynbasary da bar. Aıyptalýshylarǵa óz mindetterine nemquraılylyq tanytty degen aıyp taǵylýda. Áńgime, kezinde úlken daý týǵyzǵan Vınsent van Gogtyń «Kóknár» sýretiniń urlanýy týraly bolyp otyr, dep jazady Vestı.Rý.
Sýret osy jylǵy tamyzdyń 21-inde Kaır murajaıynan joǵalǵan. Tergeý barysynda belgili bolǵandaı, sol kúni murajaıdaǵy dabyl júıesi iske qosylmaǵan, sondaı-aq qaýipsizdik úshin ornatylǵan 40 beınekameranyń 7-eýi ǵana jumys istep turǵan. Osyndaı salaqtyq saldarynan qylmysker esh kedergisiz bólmelerge kirip, sýretti op-ońaı alyp ketken.
«Kóknar» - Van Gog týyndylarynyń ishindegi eń qymbaty. Sýrettiń quny 50 mıllıon dollardan asady, dep jazady «Rossııa 24».
