Mysyrda úsh jyldan soń Hefren pıramıdasy qaıta ashyldy
ASTANA. 12 qazan. QazAqparat - Kaır astyndaǵy Gıza ústirtindegi Hefren pıramıdasy jańǵyrtylýdan keıin ashyldy. Endi týrıster bul kóne arheologııalyq qurylystardyń tylsymyn, bar áleýetin sezinýi úshin jerasty kameralary ornatylǵan birneshe metr tereńdikke túse alady.
Eldiń ejelgi ister boıynsha mınıstri Muhammed Ibragımtyń aıtýynsha, pıramıda jáne Sfınks aýmaǵynda kónemysyrlyq eskertkishterdiń bútindigine naqty qaýip tóndirip otyrǵan jerasty sýlarynyń deńgeıin tómendetý boıynsha jobanyń iske asyrylýyna úsh jyl ketken. Budan basqa, mamandar pıramıdanyń aınalasynyń qorshaýmen jáne abattandyrýymen aınalysty. Jańǵyrtý jumystaryna mysyrlyq qazynadan 48 mln. egıpettik aqsha ketti.
Hefren - Gıza ústirtindegi aýqymy boıynsha ekinshi pıramıda. Onyń aýdany 215,8 sharshy metrdi, bıiktigi - 136,5 metrdi quraıdy. 4,5 myń jyl ishinde ol 7 metrge shókti. Hefren pıramıdasynyń eńkeıý buryshy 53 gradýsqa jetedi.
