Mysyrda úsh jasar bala ómir boıyna bostandyǵynan aıyryldy
ASTANA. QazAqparat - Kaırde áskerı trıbýnal 2014 jylǵy búlikke qatysqany úshin 116 aıyptalýshyǵa qatysty úkim shyǵardy. Barlyǵy ómir boıyna bostandyǵynan aıyryldy. Olardyń ishinde bıyl tórt jasqa keletin bala da bar, dep habarlady newsru.com.
Ahmed Mansýr Karnı esimdi balanyń qorǵaýshysy Ramadan Farhat búlik kezinde ol 1,5 jasta bolǵanyn aıtty.
Advokattyń sózine qaraǵanda, ol qaýipsizdik qyzmetine balanyń týý týraly kýáligin joldaǵan, alaıda qujat qabyldanbaı, is sottyń qaraýyna berildi. Ahmed Mansýr Karnı 2012 jyldyń qyrkúıeginde dúnıege keldi, dedi Farhat.
2014 jyly 3 qańtardaǵy búlikke qatysqandarǵa qatysty úkimdi áskerı trıbýnal syrttaı shyǵarǵan.
Osyǵan uqsas jaǵdaı 2014 jyly Úndistanda oryn alǵan.
