Mysyrda túrmelerden júzdegen qylmyskerler qashyp shyqty
ASTANA. 30 qańtar. QazAqparat - Mysyrdaǵy tártipsizdikter jergilikti túrmelerge aýysty. Kaırdiń ońtústik-shyǵysynda ornalasqan túrmeden 700-ge jýyq tutqyn qashyp ketti, dep habarlaıdy RBK agenttigi.
Túrli málimetter boıynsha, qashqyndar túzetý mekemesine basshylyq etken generaldy óltirip ketken. Qaraqshylar taǵy bir joǵary laýazymdy áskerıdi kepildikke alǵan.
«Sınhýa» agenttiginiń aqparaty boıynsha, eldiń basqa óńirlerinde de osyndaı oqıǵalar bolýy yqtımal. Beıresmı málimetter boıynsha, bostandyqqa 700-deı emes, 5 myńdaı tutqyn qashyp shyǵýy múmkin. Olardyń ishinde Hosnı Múbaraktyń úkimeti belsendi kúresip kelgen ekstremıstik jáne lańkestik uıymdardyń músheleri bolýy múmkin.
Sondaı-aq Mysyrdyń birneshe qalasynda polıtsııa ýchaskelerin basyp alýǵa áreketter jasalǵan. Benı-Sýeıf qalasynda osyndaı bir shabýyldyń beti qaıtarylyp, 2 búlikshiniń kózi joıylǵan.
Mysyrdaǵy jaǵdaı óte kúrdeli. Polıtsııa qorqaýlar basyp alǵan iri qalalardaǵy ahýaldy baqylaýǵa ala almaı otyr. Armııa bólimsheleri tek mańyzdy úkimettik nysandardy ǵana kúzetýde.
