Mysyrda týrısti akýla jep qoıdy
ASTANA. QazAqparat - Qyzyl teńiz jaǵasynda demalyp jatqan chehııalyq týrıst akýla shabýylynan qaza tapty. Bul 2015 jyldan bergi alǵashqy jazataıym oqıǵa, dep habarlaıdy «QazAqparat» HAA The Telegraph-qa silteme jasap.
Osy aqparatty Chehııa Syrtqy ister mınıstrliginiń ókili rastaǵan.
Jergilikti BAQ-tyń habarlaýyna qaraǵanda, týrıstiń dene qaldyqtary tolqynmen jaǵaǵa shyqqan.
42 jastaǵy er adam otbasymen birge Mysyrdyń Qyzyl teńiz jaǵalaýlarynda demalyp jatqan. Qazir onyń otbasy músheleri eline qaıtyp oraldy.
Dál osyndaı jaǵdaı 2015 jyly da bolǵan. Sol kezde germanııalyq týrıst áıel akýlanyń shabýylynan qaza tapqan.
