Mysyrda tótenshe jaǵdaı rejimi taǵy úsh aıǵa uzartyldy
KAIR. QazAqparat - Mysyrda tótenshe jaǵdaı rejimi taǵy úsh aıǵa uzartyldy. El parlamenti jeksenbi, 13 qańtar kúni prezıdent Ábdel Fattah As-Sısıdiń tıisti jarlyǵyn bekitti. Bul týraly zań shyǵarý organynyń baspasóz qyzmetine silteme jasap Anadoly agenttigi habarlady.
Málim etilgendeı, Mysyr Arab respýblıkasynda tótenshe jaǵdaı jetinshi ret uzartylyp otyr.
Kommıýnıkege sáıkes, bıliktiń sheshimi eldegi qaýipsizdik ahýalymen baılanysty.
Mysyrda tótenshe jaǵdaı 2017 jyly Tanta jáne Aleksandrııa qalalaryndaǵy shirkeýlerde bolǵan jarylystardan keıin engizildi. DAISh (Qazaqstanda jáne ózge memleketterde tyıym salynǵan) terrorıstik uıymy óz moınyna alǵan lańkestik aktiler saldarynan 45 adam mert boldy, taǵy 125-i zardap shekti.
Oqıǵalardan keıin prezıdent As-Sısı úsh aı merzimge tótenshe jaǵdaı rejimin engizý týraly sheshimin jarııa etti. Memleket basshysynyń dırektıvasynda bul rejimdi úsh aıǵa uzartý múmkindigi qarastyrylǵan bolatyn.
