Mysyrda toǵyz adamdy darǵa asty
ASTANA. QazAqparat - Mysyr bıligi sársenbi kúni 2015 jyly eldiń bas prokýrory Hıshama Barakatty óltirgen toǵyz adamǵa qatysty úkimdi oryndady. Bul týraly "Al-Hadas" telearnasy habarlady.
Bas prokýrordy óltirý isi boıynsha 67 adamnan jaýap alynǵan, olardyń 16-syna izdeý salynǵan. 2017 jyldyń shildesinde 28 aıyptalýshy respýblıkanyń bas prokýroryna qarsy qaskúnemdikke daıyndalǵany jáne júzege asyrǵany, sondaı-aq atý qarýyn, jarylǵysh zattardy zańsyz saqtaǵany úshin darǵa asý arqyly ólim jazasyna kesildi.
Hısham Barakattyń kóligin 2015 jyly 29 maýsymda qasaqana jarǵan edi. Turaqta turǵan kólikke bomba qoıylǵany anyqtaldy. Bas prokýror aýyr halde aýrýhanaǵa jetkizilip, sonda kóz jumdy.
