Mysyrda tobyrdan qashpaq bolǵan dıplomattar 30 adamdy basyp ketti
ASTANA. 4 aqpan. QazAqparat - Mysyrdaǵy 28 qańtardaǵy «Ashý-yza kúninde» dıplomatııalyq avtokólik Kaırdegi 30 sherýshini basyp ketti.
Bul týraly Al Jazeera agenttigine silteme jasaǵan RBK habarlap otyr. Oqıǵanyń kýágeri osy keleńsiz jaǵdaıdy beınetaspaǵa jazyp alyp, Internetke salyp jiberdi.
Kýágerdiń beıne túsiriliminde Kaırde qarsylyq bildirip sherýge shyqqan mysyrlyqtardyń qorshaýynda qalǵan dıplomatııalyq avtokólik mezetinde ornynan ytqyp, tobyr halyqty basa-kóktep óte berdi.
Sherýshiler jan-jaqqa bytyrap qashqanymen, avtokólik qandaı da bir sebeptermen tikeleı baryp toptasqan adamǵa soqtyǵysty. Odan ári 20 adamdy soǵyp ketken avtokólik, toqtamastan kósheni qıyp ótti.
Resmı emes málimet boıynsha, zardap shekkender arasynda aýyr jaraqat alǵandar men qaza tapqandar barshylyq.
