Mysyrda tártipsizdikter saldarynan 70-ten astam adam zardap shekti
ASTANA. 27 qańtar. QazAqparat - Mysyrdaǵy tártipsizdikter saldarynan eki adam qaza taýyp, kem degende 70 adam jaraqattandy,
dep habarlaıdy "Lenta.rý" Agence France-Presse-ke silteme jasap.
26 qańtarda, sársenbi kúni Kaırdyń ortalyq aýdandarynyń birinde quqyq qorǵaý organdary ókilderi men sherý aktsııasyna qatysýshylar arasynda qaqtyǵys boldy. Sherýshiler tártip saqshylaryn taspen atqylasa, quqyq qorǵaý organdarynyń qyzmetkerleri kózden jas aǵyzatyn gaz qoldanyp, qarymta qaıtardy. Qaqtyǵys saldarynan bir polıtseı jáne bir sherýshi kóz jumdy.
Іri portty Sýets qalasynda sherýshiler sársenbi kúni birneshe úkimet ǵımarattaryna, sonymen qatar Mysyrdaǵy basqarýshy Ulttyq-demokratııalyq partııa ókildigine janǵysh qospasybar shólmekter laqtyrdy. Sherýshilerdi taratý úshin saqshylar kózden jas aǵyzatyn gaz ben rezeńke oqtarmen atatyn qarýdy qoldandy. Sýets medıtsınalyq qyzmeti polıtsııa qyzmetkerleriniń de, sherýge qatysýshylardyń da arasynda birneshe ondaǵan jaralanǵan adamdar bar ekenin habarlaıdy.
