Mysyrda stýdentter men polıtsııa qyzmetkerleri arasynda qaqtyǵys oryn aldy
ASTANA. 28 jeltoqsan. QazAqparat - «Musylman baýyrlar» ekstremıstik uıymynyń jaqtastary bolyp tabylatyn Kaır ýnıversıtetiniń stýdentteri senbi kúni ózderi oqıtyn oqý ornyna órt qoıyp, polıtsııa qyzmetkerlerimen jaǵa jyrtysty, dep habarlady Al Arabiya telearnasy.
Tártipsizdikti emtıhan tapsyrýǵa kelgen basqa stýdentterdiń ýnıversıtetke kirýine kedergi keltirgen ıslam belsendileri bastaǵan. Oqıǵa ornyna jetken polıtsııa qyzmetkerleri buzaqylardy kózden jas aǵyzatyn gazben qýmaq bolǵan, biraq jastar olarǵa qarsy tas jaýdyrǵan.
Tártip saqshylaryna baǵynbaǵan stýdentter ýnıversıtet ǵımaratyna kirip, saýda jáne aýyl sharýashylyǵy fakýltetterine ot qoıǵan.
