Mysyrda sport kesheniniń trıbýnasy opyrylyp, 27 adam zardap shekti
MYSYR. TASS-QazAqparat – Kaırge jaqyn ornalasqan 6 Qazan qalasynda Hasan Mustafa atyndaǵy sport kesheninde trıbýnalardyń biriniń metall konstrýktsııalary opyrylyp túsip, 27 adam zardap shekti. Bul týraly Ahram Online aqparattyq portaly málim etti, dep habarlaıdy QazAqparat TASS agenttigine silteme jasap.
Bul kezde sport kesheninde «Ál-Ahlı» (Kaır) jáne «Ál-Ittıhad» (Aleksandrııa) komandalary arasynda basketboldan sýperkýbok matchy ótip jatqan. Oıyn tótenshe jaǵdaıǵa baılanysty toqtatyldy.
Mysyr densaýlyq saqtaý mınıstrliginen málim etkendeı, zardap shekkenderdi evakýatsııalaýǵa 21 jedel járdem kóligi jumyldyrylǵan.
Resmı tulǵalar tótenshe jaǵdaıǵa jankúıerler áreketi sebep bolǵany aıtady.
Aıta ketsek, Hasan Mustafa atyndaǵy sport kesheni 2020 jyly ashyldy. Onda basketbol men gandbol sııaqty birneshe sport túrinen jarystar ótkizilip keledi.
Foto: sportmail.ru
