Mysyrda sodyrlardyń meshitke shabýylynan 155 adam qurban boldy
ASTANA. QazAqparat - Mysyrdyń Sınaı jartylaı aralynyń soltústiginde sodyrlardyń meshitke shabýyldaýynan 155 adam qurban bolyp, 120 adam zardap shekti. Bul týraly TASS agenttigi resmı derekkózderge silteme jasap habarlady.
Osyǵan deıin memlekettik MENA agenttigi sodyrlardyń meshitke shabýylynan 155 adamnyń qaıtys bolǵandyǵyn habarlady.
Shabýyl Soltústik Sınaı provıntsııasynyń astanasy El-Arıshadan batysqa qaraı 30 km qashyqtyqta Er-Raýda eldi mekeninde, juma kúni minájat etý kezinde myqty daıyndyqpen uıymdastyrylǵan.
Terrorıster meshitti jol talǵamaıtyn 4 kólikpen qorshap alyp, jamylǵysh zatty minajat etip jatqan adamdardyń ortasyna tastap, jaryp jiberip, artynan olarǵa qaraı oq jaýdyrǵan.
Habarlamada shabýyldaýshylardyń jaraqat alǵan adamdardy alyp ketýge kelgen jedel járdem kólikterine de oq atqandyǵy aıtylady.
Soltústik Sınaı provıntsııasynyń barlyq aýrýhanalary men medıtsınalyq mekemelerinde tótenshe jaǵdaı jarııalandy. El áskeri men polıtsııa qyzmetkerleri aımaqty tekserý sharalaryn júrgizip jatyr.Osy oqıǵaǵa baılanysty Mysyr prezıdenti Abdel Fattah as-Sısı Ulttyq qaýipsizdik keńesiniń shuǵyl májilisin ótkizdi jáne oǵan eldiń barlyq kúsh-qýat qurylymdary qatysty. Іshki ister mınıstrligi terakt boıynsha tekserý jumystaryn júrgizýmen aınalysatyn arnaıy komıssııa qurdy. Sonymen qatar polıtsııa meshitter men shirkeýlerdi qosa alǵanda barlyq mańyzdy memlekettik nysandarǵa kúzetti kúsheıtti.
Elde memleket basshysynyń tapsyrmasymen terrorıstik akt qurbandary úshin úsh kúndik aza tútý kúnin jarııalady.
