Mysyrda referendýmnyń II-kezeńi ótip jatyr
ASTANA. 22 jeltoqsan. QazAqparat - Mysyrda búgin jańa zańǵa qatysty referendýmnyń II-kezeńi bastaldy.
Osy joly eldiń 17 provıntsııasynan 25 myńnan astam turǵyny daýys beredi, dep habarlaıdy 24 KZ .
176 saılaý okrýginde qoǵamdyq tártipti 85 myń ásker baqylaýǵa kiristi. Aıta keteıik, referendýmnyń birinshi kezeńi 15 jeltoqsanda ótken bolatyn. Saılaý qorytyndysynda burmalaý oqıǵasy tirkelgenmen, jalpy saılaý tynysh ótti deýge bolady. Referendýmnyń I-kezeńiniń qorytyndysy boıynsha turǵyndardyń 57%-y jańa zańdy qabyldasa, 43%-y narazylyqtaryn bildirdi.
Sońǵy kezderi Mysyr halqy ereýilden kóz ashpaı keledi. Taıaýda ǵana saılaýdyń burmalanýyna baılanysty prezıdent jaqtastary men qarsylastary arasynda Aleksandrııa qalasynda janjal shyqty.
