Mysyrda poıyz relsten shyǵyp ketip, 100-den asa adam japa shekti
NUR-SULTAN. QazAqparat – Mysyrda el astanasy Kaırden soltústikke qaraı ornalasqan Kalıýbııa provıntsııasynda poıyz relsten shyǵyp ketip, 100-den asa jolaýshy japa shekti. Bul týraly osy eldiń Al-Youm al-Sabia gazetinde basylǵan provıntsııa bıliginiń málimdemesinde aıtylǵan, dep habarlaıdy QazAqparat.
«Aldyn ala málimet boıynsha poıyz apatynyń saldarynan 103 jolaýshy japa shekti» delingen habarlamada.
Derekke saı, Kaır - Mansýra baǵytynda jolǵa shyqqan poıyz Týh temirjol stantsııasynan attanǵannan birneshe mınýt ótken soń onyń vagondary relsten shyǵyp ketken. Oqıǵa ornyna japa shekken jolaýshylardy jergilikti aýrýhanalarǵa jetkizý úshin 20 jedel járdem kóligi barǵan.
Aıta keteıik, naýryz aıynyń sońynda osy elde eki poıyzdyń soqtyǵysýy saldarynan 19 adam mert bolǵan edi jáne taǵy 185 jolaýshy jaraqat alǵan.
