Mysyrda pıramıdalardyń janynda jarylys boldy, jaralanǵandar bar
ASTANA. 7 sáýir. QazAqparat. Mysyrda eldiń bas kórnekti eskertkishteri - ejelgi pıramıdalardyń mańynda jarylys boldy, oqıǵa saldarynan úsh adam zardap shekti.
Polıtsııanyń aqparaty boıynsha, jarylys Gızadaǵy perǵaýyndar qabirinen 150 metrdeı jerde bolǵan. Tártip saqshylarynyń aıtýynsha, zardap shegýshiler qumnyń ishinen bir temir zatty kórip, ony baǵaly zat dep oılap, arshı bastaǵan. Nátıjesinde jarylǵysh qurylǵy iske qosylyp, úsh adamdy jaralaǵan. Polıtsııadaǵylardyń aıtýynsha, álgiler jergilikti esirtki saýdagerleri bolyp shyqqan. Oqıǵanyń mán-jaıy belgisiz. Tekserý júrgizilýde.
