Mysyrda Paıǵambarymyzǵa arnalǵan telearna ashyldy
ASTANA. 10 qazan. QazAqparat - Mysyrda Paıǵambarymyzǵa arnalǵan, ıaǵnı, Alla Elshisiniń ǵıbratty ǵumyryn, salyp ketken sara jolyn nasıhattaıtyn spýtnıktik telejeli ashyldy,
dep habarlaıdy BAQ.KZ.
Jeliniń ataýy - «Paıǵambar Muhammed, saǵan salaýat bolsyn!». Bul ıgi joba Paıǵambarymyzdyń tulǵalyǵyn aıaqqa taptap, kelemejdep kórsetken fılm men karıkatýralarǵa qarsy jaýap retinde ashylyp otyr deýge de bolady.
«Qazirgi kúni shtab-páteri Kaırde ornalasqan arnanyń kórsetilimi testtik rejimde júrip jatyr», - deıdi Fars News Iran aqparat agenttigi.
Telejeliniń Naser bın Mosaffar ál-Zahranı esimdi qyzmetkeriniń aıtýynsha, telearna baǵdarlamalary Qasıetti Quran men Paıǵambarymyzdyń hadısteri negizinde túsiriledi.
Onyń sózine qaraǵanda, arna Paıǵambarymyzdy kemel tulǵa retinde kórsetýge úles qosatyn bolady. «Biz Paıǵambarymyzdy kemsitetin talaı oqıǵanyń kýási boldyq. Endi soǵan tıisti deńgeıde jaýap qatamyz degen oıdamyn», - deıdi ál-Zahranı.
