Mysyrda parlamenttik saılaý ótip jatyr
ASTANA. QazAqparat - Mysyrda jeksenbi kúni parlamenttik saılaý ótip jatyr. Buryn sot sheshimimen onyń merzimi shegerilgen bolatyn , dep habarlady RIA Novostı.
Mysyrda parlamenttik saılaý ótip jatyr
Mysyrda Parlament 2012 jyly taratylǵan.
Bıliktiń aıtýynsha parlamenttik saılaý eldiń demokratııaǵa qaraı bet alǵan joldyń sońǵy qadamy bolmaq.
Sarapshylardyń sózine sensek, kandıdattardyń basym bóligi prezıdent Abdel Fattah Sısıdiń jaqtastary, sondyqtan saılaý onyń eldegi bıligin nyǵaıtady.
Saılaý ýchaskeleri jergilikti ýaqytpen saǵat 8:00 (Grınvıch boıynsha 6:00, Máskeý ýaqytymen saǵat 9:00) ashylyp, saǵat 19:00 jabylady.
Saılaý eki kezeńde ótedi. Nátıjesi kem degende jeltoqsanda jarııalanady.
Saılaýshylar parlamenttiń tómengi palatasynyń 596 depýtatyn saılaıdy.
Mena jergilikti aqparat agenttigi habarlaǵandaı, 185 myńnan astam polıtseı saılaýdaǵy qaýipsizdikti qamtamasyz etedi.
«Musylman baýyrlarsyz»
Senbi kúni prezıdent mysyrlyqtardy saılaý ýchaskelerine kelip «eldiń jarqyn bolashaǵy úshin» daýys berýlerin surady.
Abdel Fattah Sısı - 2013 jyly áskerı kóterilisti basqarǵan burynǵy general. Ol eldiń burynǵy prezıdenti Mohammed Mýrsıdiń bılikten ketýine túrtki boldy.
16 mamyrda ony ólim jazasyna kesti, al onyń «Musylman baýyrlar» qozǵalysyna tyıym salyndy.
Budan burynǵy bul qozǵalys shamamen parlamenttegi oryndardyń jartysyn derlik ıelendi.
Onyń myńdaǵan múshesi qamaýǵa alyndy. Júzden astamy ólim jazasyna kesildi.
Jańa úkimet
Birneshe apta buryn elde mınıstrler kabıneti aýysty. Sısı 19 qyrkúıekte jańa kabınetten ant qabyldady.
Syrtqy ister, qarjy, ınvestıtsııalar jáne qorǵanys mınıstrleri óz oryndarynda qaldy.
Jańa úkimetti qurý munaıdy óndirý boıynsha mınıstr Sherıf Ismaılge tapsyryldy. Ol jańa premer atandy.
