Mysyrda murajaı qyzmetkerleri perǵaýynǵa saqal japsyrǵany úshin jaýapqa tartylmaq (FOTO)
ASTANA. QazAqparat - Mysyrda Týtanhamon perǵaýyn betperdesine saqal japsyrǵany týraly is boıynsha murajaıdyń segiz qyzmetkeri sot aldynda jaýap beredi, dep habarlady Bı-bı-sı mysyrlyq BAQ-tarǵa silteme jasap.
Bir jyl buryn Týtanhamonnyń ólgennen keıingi betperdesine jelimdelip japsyrylǵan zattyń izderi anyqtalǵany belgili.
Bir nusqada betperdedegi saqal kezdeısoqtyqtan, al ekinshisinde eskirgendikten túsip qalǵan.
Tergeý derekterine sáıkes perǵaýynǵa 4 ret jelimdep saqal japsyrýǵa áreket jasalǵany belgili boldy. Bul qoldarynan kelmegen murajaı qyzmetkerleri izderin jasyrýǵa tyrysqan.
Týtanhamonnyń ólgennen keıingi betperdesi Kaırdegi týrıstik qundylyqtardyń biri sanalady, oǵan 3 myń jyldaı bolǵan.
