14:30, 09 Qyrkúıek 2022 | GMT +6
Mysyrda maımyl sheshegin juqtyrǵan alǵashqy naýqas tirkeldi
NUR-SULTAN. QazAqparat – Eýropada turatyn jáne eki ortaǵa jıi qatynaıtyn mysyrlyqtan maımyl sheshegi anyqtaldy. Bul – Egıpettegi alǵashqy derek, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń telegram kanalyna silteme jasap.
Mysyrda maımyl sheshegin juqtyrǵan alǵashqy naýqastyń tirkelgeni týraly eldiń densaýlyq saqtaý mınıstrligi habarlaǵan.
«42 jastaǵy er adam mamandandyrylǵan oqshaýlaý aýrýhanasyna karantınge jatqyzyldy jáne onyń jaǵdaıy turaqty», - delingen atalǵan vedomstvo habarlamasynda.
Mınıstrlik bul jaǵdaıdy epıdemıologııalyq monıtorınginiń ádettegi rásimderi kezinde anyqtap, patsıentke jáne onymen tikeleı baılanysta bolǵan adamdarǵa qatysty Dúnıejúzilik densaýlyq saqtaý uıymy maquldaǵan aldyn alý sharalary qabyldanǵanyn málimdedi.
