Mysyrda lańkes ózin jaryp jiberdi
ASTANA. QazAqparat - Tártip saqshylary el astanasy Kaırdegi «Áýlıe Marııa» shirkeýinde jarylys uıymdastyrmaq bolǵan sodyrdyń jolyn kesti, dep habarlaıdy QazAqparat 24.kz-ke silteme jasap.
Biraq ol ǵımaratqa jetpeı ózin jaryp jiberdi. Nátıjesinde lańkesten basqa eshbir adam qaza tapqan joq. Qazir jarylysty kimder uıymdastyrmaq bolǵany anyqtalyp, tergeý júrip jatyr.
Eske sala keteıik, Mysyrda 2017 jyly sáýir aıynda hrıstıan shirkeýlerine birneshe ret shabýyl jasalǵannan keıin tótenshe jaǵdaı tártibi engizilgen bolatyn. Sodan beri memlekettegi barlyq dinı nysandar qatań baqylaýǵa alynǵan. Bul ǵımarattarǵa qarýly kúzet qoıylyp, ishke kiretin adamdar muqııat tekseriledi.
