Mysyrda kópqabatty úı opyrylyp qulady
ASTANA. QazAqparat – Mysyrdyń soltústigindegi Aleksandrııa qalasynda jaz mezgilinde týrısterdi ornalastyrýǵa paıdalanylatyn 13 qabatty turǵyn úı opyrylyp qulap, kóptegen adam úıindi astynda qaldy, dep habarlaıdy QazAqparat Daily Mail-ge silteme jasap.
Úıindi astynda qalǵan adamdardyń naqty sany belgisiz. Sıdı Bıshr aýdanyndaǵy ǵımarat qulaǵan jerde azamattyq qorǵanystyń shuǵyl áreket etý qyzmeti jumys istep jatyr. Aman qalǵan adamdardy izdep-tabý, sondaı-aq úıindige soǵylǵan avtokólikterdiń synyqtaryn tazartý júrgizilýde.
Qazirgi ýaqytta qaza tapqandardyń naqty sany habarlanbady.
Qala gýbernatory Mohamed Taher ál-Sherıftiń sózinshe, ádette, úı jaz mezgilinde týrısterge jalǵa beriletin. Onda sýpermarket te bolǵan. Oqıǵaǵa kýá bolǵandardyń aıtýynsha, úı qulaǵanǵa deıin jarylys estilgen.
