Mysyrda qoǵamdyq oryndarda temeki shegýge tyıym salyndy
ASTANA. Qyrkúıektiń 10-y. QazAqparat - Juma kúni Mysyrdyń Densaýlyq saqtaý mınıstrligi qoǵamdyq oryndarda temeki shegýge jappaı tyıym salynǵany týraly jarııa etti, dep habarlaıdy «RIA «Novostı» agenttigi Youm7 ınternet-portalyna silteme jasap.
Mysyrda endi arnaıy oryndardan tys jerlerde jáne kóshede temeki shekkenderge 100 mysyr fýnty (18 dollar shamasynda) kóleminde aıyppul salynatyn bolady. Keleshekte aıyppul budan da kóbeıýi múmkin.
Dúnıejúzilik densaýlyq saqtaý uıymynyń málimeti boıynsha, Mysyr Taıaý Shyǵys pen Afrıka memleketteriniń ishindegi «eń shylymqor» el sanalady. Eldiń densaýlyq saqtaý vedomstvosynyń aqparatyna súıensek, mysyrlyqtar jyl saıyn 19 mıllıard temeki shegip tastaıdy eken. Bul málimet dárigerlerdiń kóńilin alańdatyp otyr.
