Mysyrda QazUÝ Túlekter qaýymdastyǵynyń bólimshesi ashyldy

dep habarlaıdy QazAqparat QazUÝ-dyń baspasóz qyzmetine silteme jasap.

Bólimshe QazUÝ rektory Baqytjan Jumaǵulovtyń Mysyrǵa sapary kezinde ashylǵan. Sapar barysynda Baqytjan Jumaǵulov Mysyr men Sırııa, Marokkoda bilim alyp jatqan QazUÝ-dyń 50 stýdentimen kezdesken.Onda Qazaqstannyń syrtqy jáne ishki saıası máseleleri, turmystyq jaǵdaıy men oqý júıesi sóz bolǵan. Kezdesý barysynda Stýdentter qaýymynyń ókilderi Kaırde QazUÝ Túlekter qaýymdastyǵynyń bólimshesin ashýdy usynypty. Nátıjesinde ashylǵan bólimsheniń tóraǵasy bolyp MAR-ǵy QR Elshiliginiń birinshi hatshysy Baqyt Batyrshauly saılanǵan. B. Batyrshauly belgili ǵalym, QazUÝ-dyń shyǵystaný fakýltetin támamdap, týǵan qara shańyraǵynda birneshe jyl boıy dáris oqyǵan.Sapar barysynda QazUÝ rektory Mysyrdyń iri oqý ordalary - Kaır ýnıversıteti jáne Aın Shams ýnıversıtetimen qarym-qatynasty ornatý maqsatynda arnaıy kelisimshartqa qol qoıǵan. Qujatta eki jaqtyń stýdentteri jáne oqytýshy-ǵalymdarmen bilim almasý, stýdentterdiń ıkemdiligi, QazUÝ oqytýshylarynyń biliktiligin arttyrý, eksperımentaldy túrde magıstrlik jáne bakalavr oqý baǵdarlamalaryn engizý, oqý nesıelerine ózgerister engizý máseleleri qamtylǵan.

Esterińizge sala keteıik, Ál-Farabı atyndaǵy QazUÝ-dyń Túlekter qaýymdastyǵy byltyrǵy ýnıversıtettiń mereıtoılyq kezdesýinde qurylyp, onyń tóraǵasy bolyp Qazaqstan Respýblıkasynyń Bas prokýrory Qaırat Mámı saılanǵan edi. Buǵan deıin Túlekter qaýymdastyǵynyń bólimsheleri Qazaqstannyń barlyq oblystarynda, Máskeý men Londonda da ashylǵan. Jaqynda Germanııada bir bólimshe ashylmaq. Búgingi tańda QazUÝ-dan túlep ushqandardyń sany 125 myńdaı adam.