Mysyrda qazaqstandyq týrısterdi úreıge boı aldyrmaýǵa shaqyrdy
ASTANA. QazAqparat - Týrızm ındýstrııasy komıteti Egıpette demalyp jatqan nemese bul elge demalýdy josparlaǵan qazaqstandyq týrısterdi kýrortty aımaqtan tys shyqpaýdy usynady.
«Álemdik buqaralyq aqparat kózderiniń derekterinshe, mysyrlyq Tanta qalasyndaǵy koptyq shirkeýde bolǵan jarylys saldarynan 21 adam qaza taýyp, taǵy 40 adam jaraqattanǵan.
Sonymen qatar polıtsııa ýchaskesiniń janynda ekinshi jarylys týraly da habarlandy.
Zardap shkkenderdiń dál sany naqtylanýda. QR Investıtsııa jáne damý mınıstrligi Týrızm ındýstrııasy komıteti osy elde demalyp jatqan nemese demalýdy josparlap júrgen qazaqstandyq týrısterdi kýrorttyq aýmaqtan tysqary shyqpaýdy usynady»,-dep jazdy Feısbýkke QR IDM Týrızm ındýstrııasy departamentiniń dırektory Marat Iǵalı.
Budan basqa QR IDM Egıpette júrgen qazaqstandyq azamattardy úreıge boı aldyrmaýdy,saqtyq sharalaryn saqtaýdy, halyq kóp jınalǵan jerge barmaýdy, sondaı-aq jergilikti bıliktiń keńesine qulaq túrý qajettigin eskertedi.
Týrızm ındýstrııasy komıteti Egıpetke týrlardy júzege asyratyn týroperatorlardy óz klıentterine bolýy múmkin qaýip-qaterler jáne qaýipsizdik talaptaryn shuǵyl habarlap otyrýǵa shaqyrady.
