Mysyrda qalyp qoıǵan qazaqstandyq barlyq 147 týrıst Almatyǵa aman-esen oraldy
ASTANA. Qańtardyń 13-i. QazAqparat /Dımash Syzdyqov/ - Mysyrda qalyp qoıǵan qazaqstandyq barlyq 147 týrıst búgin Almatyǵa aman-esen jetti.
Bul týraly «On travel» týrıstik kompanııasynyń bas dırektory Natalıa Lınnık habarlady.
Onyń aıtýynsha, qazaqstandyq azamattar mysyrlyq AMC Airlines áýe kompanııasynyń ushaǵymen jetkizildi. «Búgin túnde saǵat 2-lerde barlyq týrıster Almatyǵa aman-esen jetti»,- dedi N.Lınnık. Basqa qalalardyń turǵyndaryn óz qalalaryna tranzıtpen jetýlerine kómek kórsetildi, dedi týrıstik kompanııanyń basshysy.
