Mysyrda ımamnyń ústinen Qadir túni jasaǵan duǵasy úshin qylmystyq is qozǵaldy - VIDEO
ASTANA. QazAqparat - Mysyr bıligi el astanasy - Kaır qalasyndaǵy Amr ıbn ál-As meshitiniń ımamy ári sheıh Muhammed Jıbrıldi Qadir túninde jasaǵan duǵasy úshin qyzmetinen qýdy, dep jazady Islam.kz.
Imam taraýyq namazynan keıin: «O, Alla, qanymyzdy tógip, balalarymyzdy jetim qaldyrǵandardy jazala. O, Alla, «Perǵaýyn sıqyrshylary» - tilshilerdi jazala. O, Alla, jemqorlardy jazala. Ádiletsizdik istegenderdi jazala. O, Alla, baspanamyzǵa qol suqqandardy jazala. Tırandar men jábir kórsetýshilerdi jazala. Qaltasyn oılaıtyn sheıhterdi jazala», - dep duǵa etken eken.
Sheıh duǵasynda eshkimniń atyn atap, túsin tústemese de, onyń bul duǵasy bılik tizginin ustap otyrǵandarǵa unamaı qalǵan. Olar bul duǵany óz attaryna aıtylyp jatqandaı qabyldap, ımamdy qyzmetinen qýdy. Ol ol ma, onyń ústinen osy duǵasy úshin qylmystyq is qozǵaldy.
