Mysyrda ejelgi ǵıbadathana qaldyǵy kezdeısoq tabyldy
ASTANA. QazAqparat - Qurylysshylar Kaır mańyndaǵy Kalıýbııa provıntsııasynda turǵyn úıdiń irgetasyn qalap jatyp ejelgi mysyrlyq ǵıbadathana qaldyǵyn taýyp aldy, dep jazady "Ioým7" portaly.
Qurylys alańyna shaqyrtylǵan arheologtar ǵıbadathananyń Gor, Isıda jáne Osırıs qudaılaryna arnalyp salynǵan degen boljam jasady. Jer astynan qudaılar beınesi men kóne mysyrlyq ıeroglıfter jazylǵan ǵıbadathana qabyrǵasynyń bólshekteri tabyldy. Qurylys orny jabylyp, arheologııalyq qazba jumystary bastaldy, dep jazdy basylym.
Ǵalymdardyń aıtýynsha, jer astynda ǵıbadathananyń ǵana emes, tutas kóne qalanyń qaldyqtary jatýy múmkin. Tabylǵan ǵıbadathananyń qaı dáýirge tıesili ekeni ázirge anyqtalǵan joq.
Foto ria.ru
