Mysyrda eki myń jyl burynǵy úsh mazar tabyldy
ASTANA. QazAqparat - Arheologtar Mysyrdyń ońtústiginde shamamen eki myń jyl burynǵy úsh mazardy tapty.
Olar Kaırden ońtústikke qaraı El-Mınıa provıntsııasy Al-Kamıl aýdany aýmaǵynda tabylǵan. Qabirden birneshe tas sarkofag,sazdan jasalǵan zattar shyqty.
Ejelgi Egıpet Joǵary keńesiniń ókili aıtýynsha, molanyń birine jartasty burǵylap tesik jasaý arqyly jetý múmkin bolǵan. Ol jerden tórt sarkofag tabyldy.
Ekinshi qabir jas balany jerleýge arnalǵan.
Balshyqtan jasalǵan zattardyń synyqtaryn zerttegen ǵalymdar sarkofaktardyń jasy shamamen 2 myń jyl buryn bolǵan degen tujyrymǵa kelip otyr.
Ekspedıtsııa basshysy Alı Bakrıdiń aıtýynsha, bul jerden er adamnyń da, áıelderdiń de súıekteri tabylǵan.
Ejelgi Egıpet joǵary keńesi jańa jumbaqtardyń qupııasyn ashý úshin qazba jumystaryn jalǵastyra beretin bolady.
Aıta ketken jón, qabirler ornyn zertteý jumystary 2015 jyly bastalǵan.
