Mysyrda bir aýyldyń júzdegen turǵyny beımálim dertti juqtyrdy
KAIR. QazAqparat – Mysyrdyń Kena provıntsııasynda 250-ge jýyq turǵyn «tylsym» indet juqtyryp, shaǵymdanǵannan keıin eldiń Densaýlyq saqtaý mınıstrligi málimdeme jasady, dep habarlaıdy QazAqparat Egypt Independent basylymyna silteme jasap.
Málimdemede Ál-Alekat aýylyndaǵy naýqastar zardap shegip otyrǵan aýrý belgileri birdeı emes jáne bári jeńil ári birqalypty bolǵandyqtan aýrýhanaǵa jatqyzýdy qajet etpeıdi delingen.
Sımptomdar qatarynda qaltyraý, súıek aýrýy, álsizdik bar. Bul belgiler úsh kúnnen bes kúnge deıin jalǵasady.
Mınıstrliktiń aıtýynsha, bul - sýyq tııý men tumaý, gastroenterıt pen qaltyraý sekildi kóptegen aýrýlarǵa tán ortaq belgi.
Ol ystyqta tarap, naýqas demalyp, qyzýdy túsiretin dári ishse, sondaı-aq jetkilikti mólsherde sý ishse joǵalyp ketedi.
«Tylsym» indetti tergeý úshin aýylǵa profılaktıkalyq jáne terapevtik medıtsına men epıdemıologııalyq baqylaý toby jiberilip, naýqastardan qajetti taldaý men synama alyndy.
Elde beımálim aýrý taraǵanyn estigen Reseı Federatsııasynyń baqylaý organy Mysyrdan keletin reısterdegi sanıtarııa sharalaryn qatańdatty.
