Mysyrda bıiktigi aspanmen talasqan jańa eki pıramıda salynady
ASTANA. QazAqparat - Mysyr úkimeti pıramıda túrindegi 200 metrlik záýlim ǵımarattyń qurylysy boıynsha jospardy bekitti, dep habarlady RBK.
Joba Kaırdegi Sheıh Zaed Sıtı aýdanyn qalypqa keltirý aktsııasy aıasynda usynyldy. Jańa 49 qabatty Zayed Crystal Spark kesheni eki pıramıdadan turady. Biri bıiktigi 200 m bolatyn jińishke ári bıik, al ekinshisi tapal ári jýandaý kelgen qurylym bolmaq. Gızadaǵy kóne pıramıdalardan 30 mınýttyq jerde ornalasqan keshen 190 ga aýmaqty qamtıdy. Munara mańynda sý burqaqtary, basseınder men jasyl jelek bolady.
Bul ǵımarat Mysyrdaǵy eń bıik qurylym bolady. Salystyra keter bolsaq: Mysyrdyń Syrtqy ister mınıstrliginiń ǵımaratynyń bıiktigi 143 m, al kóne jáne osy kúnge saqtalǵan álemniń jeti keremetiniń biri Gızadaǵy Heops pıramıdasynyń bıiktigi 138 m.
