Mysyrda beımálim perǵaýynnyń mazary tabyldy
ASTANA. 16 qańtar. QazAqparat - Amerıkandyq jáne mysyrlyq arheologtar osydan 3 600 jyl buryn el basqarǵan, biraq kúni búginge deıin esimi beımálim bolyp kelgen perǵaýynnyń sarkofagyn taýyp aldy,
dep habarlaıdy Ýtro.rý. Bul týraly Mysyrdyń Kóne jádigerler mınıstrligi málimdedi.
Senebkaı mazary Kaırdan ońtústikke qaraı shamamen 500 shaqyrym jerde ornalasqan ejelgi Mysyr memleketiniń kóne ári dinı ortalyqtarynyń biri Abıdos qalasynan tabylǵan. Pensılvanııa ýnıversıtetiniń zertteýshiler tobynan quralǵan ǵalymdar sopaqsha pishindegi patsha taqtaıshasyna naqyshtalyp jazylǵan perǵaýynnyń esimin alǵash ret oqı aldy.
Perǵaýyn súıeginiń qaldyqtary mazar janynda daǵy kóne jádigerlerdi túgeldeı tonaǵandar shashyp tastaǵan. «Bul mazardyń kóne dáýirlerde tonalǵanyn dáleldeıdi», - deıdi Kóne jádigerler mınıstrliginiń ókilderi.
Arheologııalyq ekspedıtsııa jetekshisi Djozef Vegner derekterdi «mazardyń qarapaıym pishini Orta jáne Jańa patshalyq dáýiri aralyǵynyń ekinshi kezeńinde elde ekonomıkalyq quldyraý oryn alǵanyn rastaıdy», dep naqtylady.
