Mysyrda bas prokýror qastandyq qurbany boldy
ASTANA. QazAqparat - Belgisiz bireý Kaırde Mysyrdyń bas prokýrory Hıshama Barakatqa shabýyl jasady.
Reıter agenttiginiń aqparatynsha, lańkes jarylǵysh zat qoıylǵan kólikpen bas prokýrordyń avtomobıline soǵylǵan. Barakat aman, alaıda jaraqat alǵan.
Ózge aqparat kózderinde jarylǵysh zat kólik ótken jerge qoıylǵany týraly aıtylady. Keı derekterge súıensek, prokýrordyń murny synyp, ıyǵy shyǵyp ketken.
Bas prokýrorǵa shabýyl onyń úıiniń mańynda jasaldy. Bul qylmysqa jaýapkershilikti "Narodnoe soprotıvlenıe Gızy" toby óz moınyna aldy. Sońǵy málimetter boıynsha, Frnas Preske bergen suhbatynda eldiń ádilet mınıstri Ahmed Zınd bas prokýrordyń alǵan jaraqattardan qaza tapqanyn aıtqan, dep jazady Bı-bı-sı.
