Mysyrda avtobýs pen júk kóligi soqtyǵysyp, 20 adam qaıtys boldy
KAIR. QazAqparat – Mysyrdyń ońtústiginde avtobýs pen júk avtokóligi soqtyǵysyp, 20 adam qaza taýyp, úsh adam zardap shekken, dep habarlaıdy QazAqparat Apnews.com-ǵa silteme jasap.
Asıýt provıntsııasy gýbernatory Essam Saad (Essam Saad) málim etkendeı, Mysyr astanasynan shyqqan avtobýs joldy aınalyp ótý kezinde Kaırden 320 shyqyrym jerde ornalasqan Asıýt ońtústik provıntsııasyndaǵy jol torabynda júk avtokóligimen soqtyǵysyp qalǵan. Nátıjesinde kólikter otqa oranady.
Oqıǵa ornynda qutqarýshy toptar jumys isteýde dep habarlandy. Apattan zardap shekkenderdiń barlyǵy jaqyn jerdegi aýrýhanalarǵa jetkizilegen.
Mysyrda jyl saıyn jol apatynan myńdaǵan turǵyn qaza bolady. Jol-kólik oqıǵalaranyń negizgi sebepteri: jyldamdyqty asyrý, jol sapasynyń nasharlyǵy jáne jol qozǵalysynyń erejelerin saqtamaý.
Resmı statıstıkaǵa sáıkes, 2019 jyly Mysyrda 10 myńǵa jýyq jol apaty tirkelgen, nátıjesinde 3480 adam qaza tapqan.
