Mysyrda apatqa ushyraǵan jolaýshylar ushaǵynyń synyqtary tabyldy
ASTANA. QazAqparat - Mysyrdyń Sınaı túbeginiń ortalyǵynda apatqa ushyraǵan reseılik azamattyq ushaǵynyń synyqtary tabyldy, dep habarlaıdy «Ioým7».
Basylymnyń málimetterinshe, Mysyrdyń qaýipsizdik kúshteri apat bolǵan jerdi qorshaýǵa aldy, Sınaıdyń soltústigindegi ál-Arısh qalasynan apat qurbandary evakýatsııasy úshin jedel járdem qyzmetiniń jıyrmaǵa jýyq kóligi jiberildi.
Buǵan deıin habarlanǵandaı, «Kogalymavıa» áýe kompanııasynyń «Sharm-esh-Sheıh - Sankt-Peterbor» 9268 baǵytyndaǵy Airbus-321 áýe laıneri Mysyrdan jergilikti ýaqyt boıynsha saǵat 6:21-de ushyp shyǵyp, 23 mınýttan keıin radar ekrandarynan joǵalyp ketken. Áýe kemesiniń bortynda 217 jolaýshy men 7 ekıpaj múshesi bolǵan.
