Mysyrda alyp qoltyraýynnyń mýmııasy tabyldy
ASTANA. QazAqparat - Ǵalymdar ejelgi Mysyr qudaıy Sebek beınelengen tórt metrlik qoltyraýynnyń mýmııasyn Kena provıntsııasynyń soltústigindegi qazba jumystary barysynda tapty. Bul týraly provıntsııanyń ejelgi isteri boıynsha basqarma basshysy Aıman Handı aıtty.
Osyndaı sırek kezdesetin olja Nil ózeniniń shyǵys jaǵalaýyndaǵy Nag-Hammadı aýdanyndaǵy ekspedıtsııalyq dala jumystary kezinde tabyldy. Hamerdým taýynyń mańyndaǵy ańǵarda myńdaǵan jyldar buryn perǵaýyndarǵa týys bolyp keletin adamdar men tulǵalardyń, sonymen qatar Ejelgi Egıpettiń basty qudaılarynyń qurmetine birneshe ǵıbadathana ornalasqan. Nag-Hammadıdegi qazba jumystary barysynda arheologtar birneshe mýmııalanǵan qoltyraýyndardy tapty. Onyń ekeýiniń uzyndyǵy 1,2 metrden asady.
Bular sý men Nil ózeni tasqynynyń qudaıy bolyp sanalǵan jáne freskalarda qoltyraýynnyń basy sekildi beınelengen. Ejelgi mysyrlyqtardyń senimi boıynsha, Sebek qara kúshti úrkitip adamdardy qaýip-qaterden qorǵaǵan.
