Mysyrda akýla taǵy da adamǵa shabýyldady
Mysyrda qonaqúı jaǵajaıynda shomylyp júrgen áıelge akýla shabýyldap, ony ıyǵynan tistep alǵan. Áıel kóp qan joǵaltty, biraq jurt ony sýdan shyǵara aldy. Ol es-tússiz kúıde aýrýhanaǵa jetkizildi, dep habarlaıdy QazAqparat Gazeta.RU-ǵa silteme jasap.
Oqıǵa Mysyrdyń Dahab kýrortynda bolǵan.
Jergilikti qyzmetter akýlany izdeý jumystaryn uıymdastyrdy, biraq ázirge nátıje shyqpady. Sharm-el-Sheıh qalasynan shamamen 100 shaqyrym jerde ornalasqan jaǵajaı ýaqytsha jabyldy.
Bul Mysyrda keıingi úsh aıda akýlanyń adamǵa ekinshi ret shabýyldaýy.
Maýsym aıynda Reseı turǵyny jyrtqyshtyń qurbany boldy, ony eshkim qutqara almady.
