Mysyrda 7 myń jyl burynǵy ejelgi qala tabyldy
ASTANA. QazAqparat - Mysyr arheologtary 7 myń jyldan asatyn ejelgi qalany tapty.
Qazba ornynan ǵımarattar, qural-saımandar, turmystyq kerek-jaraqtar men úlken mazarlar tabyldy, dep habarlaıdy Bı-Bı-Sı agenttigi.
Qala Nil ózeniniń jaǵasynda, Abıdostaǵy Setı I perǵaýyn hramynyń mańynda ornalasqan. Sarapshylardyń aıtýynsha, tabylǵan 15 mazardyń kólemi ondaǵy jerlengen adamdardyń joǵary áleýmettik taptan shyqqanyn kórsetedi. Boljam boıynsha, qalada joǵary laýazymdy sheneýnikter men mazar turǵyzýshylar turǵan.
Sarapshylar ejelgi qalanyń tabylýy Mysyrdyń týrıstik ındýstrııasyn qaıta jandandyrady dep úmittenip otyr. Ǵalymdardyń boljaýynsha, qala tarıhy bizdiń zamanymyzǵa deıingi 5316 jylǵa tıesili.
