Mysyrda 600-ge jýyq adam túrmeden shyǵaryldy
ASTANA. QazAqparat - Mysyr túrmelerinde jatqan 600-ge jýyq adam prezıdent raqymshylyǵymen ultyq mereke -1952 jylǵy 23 shildede jarııalanǵan Tóńkeris kúnine oraı bostandyqqa shyqty.
Bul týraly Egıpet Іshki ister mınıstrliginiń penıtentsıaryq mekemelerdi baqylaý jónindegi basqarmasynyń ókili habarlady.
Onyń aıtýynsha, «Tóńkeris kúnine oraı raqymshylyqqa túrmede jatqan 596 adam ilikken.
Túrmedegi jazasyn óteý merzimi bitýge taıap qalǵan 500-ge jýyq mysyrlyq amnıstııaǵa sáıkes bostandyqqa shyǵaryldy.
Taǵy 103 adam merziminen buryn shartty túrde bosatylǵan, olar turǵylyqty jerinde polıtsııanyń qadaǵalaýynda bolady.
Raqymshylyqqa aýyr qylmys jasaǵandar nemese terrorlyq toptarmen baılanysy bolǵandar ilikpeıdi.
