Mysyrda 4400 jyl boıy ashylmaǵan kóne mazar tabyldy

 ASTANA. QazAqparat - Mysyr arheologtary asa mańyzdy jańalyq ashty. Olar 4400 jyl boıy qupııa syryn búkken kóne abyzdyń mazaryn tapty, dep habarlaıdy Bı-bı-sı.

Egıpettiń kóne eskertkishter jónindegi joǵary keńesiniń bas hatshysy Mustafa Vazırı bul jańalyqty «sońǵy onjyldyqtaǵy erekshe ashylym» dep atady.

Kaırden 30 shaqyrym jerde ornalasqan Sakkara eldi mekenindegi pıramıdalar kesheninde tabylǵan qabirde túrli-tústi ıeroglıfter men faraondar músinderi óte kóp. Kórkem freskalarda qabirdegi bas dinı qyzmetker Vataıa men onyń anasy, áıeli jáne basqa da týystary beınelengen.


Arheologtar qazba jumystaryna jeksenbi, 16 jeltoqsan kúni kirispekshi. Olar bul jerden kóptegen qyzyqty zattardy, sonyń ishinde sarkofagtardy tabamyz dep úmittenip otyr.