Mysyrda 26 adam lańkestik úshin sot aldynda jaýap beredi
ASTANA. 10 aqpan. QazAqparat - Egıpette 26 adamdy, sonyń ishinde eki burynǵy ofıtserdi, lańkestik áreketi úshin aıyptap otyr, olar sot aldynda jaýap beredi, dep habarlaıdy RBK.
Olarǵa sonymen qatar qarý-jaraq pen jarylǵysh zattar saqtaý boıynsha aıyp taǵylyp otyr. Aıyptaýshy jaq olardy ekstremıstik uıym quryp, memlekettik tóńkeriske shaqyrdy jáne memlekettik mekemelerde qyzmet etetinderge djıhad jarııalady dep aıyptap otyr.
Ulttyq qaýipsizdik qyzmetiniń málimetterinshe, sottalýshylar Egıpette lańkestik áreketin jasaýdy josparlaǵan.
Eske sala keteıik, qazirgi tańda Hosnı Mýbarak rejımi qulatylǵanyna eki jyl ótken soń Mysyr eli turaqsyzdyq kezeńin bastan keshirip otyr. iri qalalardyń kóshelerinde narazylyq aktsııalary ótýde, olar keıde zorlyq-zombylyqqa ulasyp jatady. Іshki shıelenister men Mýammar Kaddafı rejımi qulaǵannan keıin bastalǵan Lıvııadan qarý kontrabandasy el qaýipsizdigine nuqsan keltirýde.
