Mysyrda 2 júk kóligi qaqtyǵysyp, 17 adam ajal qushty
ASTANA. QazAqparat - Mysyrda iri kólik apaty oryn aldy. Saldarynan keminde 17 adam qaza boldy, dep habarlaıdy jergilikti BAQ-qa silteme jasap «Gazeta.Ru».
Oqıǵa búgin Kaır men Aleksandrııa jolynda oryn aldy. Polıtsııa ókilderiniń málimetinshe, jumysshylardy tasymaldap júrgen júk kóligi joǵary jyldamdyqpen aıdap kelip, taǵy bir júk kóligine soqtyǵysqan. Nátıjesinde ishi tolǵan kólik aýdarylyp tústi. Ártúrli deńgeıdegi jaraqat alǵan 3 adam aýrýhanaǵa jetkizildi, al qaza bolǵan 17 adamnyń múrdeleri jaqyn mańdaǵy máıithanaǵa jiberildi. Oqıǵanyń mán-jaıy anyqtalýda.
