Mysyrda 150-ge jýyq qazaqstandyq bar, olardyń 120-sy Kaırde - QR SІM
ASTANA. 19 tamyz. QazAqparat - Jappaı tártipsizdik pen qarýly qaqtyǵystar bolyp jatqan Mysyr elinde qazirgi tańda 150-deı qazaqstandyqtar júr. Olardyń negizgi bóligi stýdentter. Bul týraly búgin QR Syrtqy ister mınıstrliginiń baspasóz hatshysy Nurjan Aıtmahanov málimdedi.
«Biz Mysyrda bolyp jatqan oqıǵalarǵa alańdaýlymyz. Qazaqstannyń elshiligi sondaǵy azamattarmen únemi baılanysyp otyrady. Jalpy konsýldyq tirkeýde 500-ge tarta adam bar, dál qazir Mysyrda 150 qazaqstandyq bar, al olardyń 136-sy stýdent. Negizgi oqıǵalar oryn alyp jatqan Kaır qalasynda 120 adam turyp jatyr», - dedi N. Aıtmahanov.
Onyń aıtýynsha, Mysyrdaǵy Qazaqstan elshiligi jaǵdaıdy baqylap, elimizdiń azamattarymen qarym-qatynas ornatyp, olarǵa túsindirý jumystaryn júrgizip, kóp adam shoǵyrlanǵan jerlerge jolamaýǵa keńes berip otyrady.
«Eger kerek bolǵan jaǵdaıda bizdiń azamattarymyzǵa kómek kórsetý úshin barlyq jaǵdaılar jasalady», - dedi QR SІM ókili.
