Mysyrda 13 jaýynger ólim jazasyna kesildi
ASTANA. QazAqparat - Mysyrlyq Gıza qalasynyń krımınaldy soty 13 adamdy darǵa asý jazasyna kesti, dep habarlaıdy Habar 24.
Olarǵa 2013 jyldan bastap 2015 jyldyń mamyr aıyna deıin Gıza jáne Kaır qalalaryna shabýyl jasady degen aıyp taǵylyp otyr.
Belgili bolǵandaı, Gıza ulttyq qaýipsizdigin dırektoryn, polıtsııa ofıtserin jáne generaldy óltirgen, sondaı-aq pıramıdalar mańynda ornalasqan polıtsııa bólimshesine shabýyl jasap, quqyq qorǵaý organdarynyń qyzmetkerlerin óltirgen.
Budan bólek, olar jarylǵysh zattar daıyndaýmen aınalysqan. Ruqsatsyz qarý qoldanyp, polıtsııa kólikteri men menshigin joıǵan, hrıstıandardy óltirgen. Ólim jazasyna kesý úkimi múftı keńesine qaraýǵa jiberildi. Jaýyngerler isi boıynsha sheshýshi úkimdi 7 jeltoqsan kúni sot shyǵarady.
