Mysyrda 100-den astam sarkofag pen altyn jalatylǵan músinder tabyldy
NUR-SULTAN. QazAqparat – Mysyrda jańa jádigerler, eki jarym myń jyldan astam ýaqyt saqtalǵan júzden astam sarkofag, jerleý oryndary men ondaǵan músin tabyldy.
Ǵalymdar tereńdigi shamamen 12 metr bolatyn úsh jerleý qudyǵyn ashty. Artefaktiler óte jaqsy saqtalǵan, dep habarlaıdy Qazaqparat Euronews -ke silteme jasap.
Ǵalymdar bul jerde jergilikti aǵashtan jasalǵan sarkofagty shyǵaratyn úlken sheberhana bolǵan dep boljap otyr. Eger ol tabylsa, ol egıpetologııa tarıhyndaǵy eń iri jáne qundy jádigerlerdiń qataryna kirýi múmkin.
Mamandar Pıramıdalardan ońtústikke qaraı 16 km jerde ornalasqan Sakkaranyń alyp qorymynda birneshe aı boıy júrgizip jatqan qazba jumystaryn toqtatqan joq. Ol jerge jaqyn mańda osy órkenıettiń gúldenýi kezinde Ejelgi Egıpettiń astanasy bolǵan Memfıs ornalasqan.
Ǵalymdardyń aıtýynsha, ázirge Sakkarada jasyrynyp jatýy múkin artefaktilerdiń tek bir paıyzy ǵana tabylǵan.
