Mysyrda 1,2 myńnan astam adam mingen parom órtenip jatyr

Bul týraly búgin Qyzyl teńizde teńiz keme qatynasyna baqylaý jasaıtyn basqarma qyzmetkerine silteme jasaı otyryp RBK habarlady.

Onyń aıtýynsha, Akaba portynan (Iordanııa) shyǵyp, Mysyrdaǵy Nýveıba portyna bet alǵan jolaýshylar paromynda belgisiz sebepterge baılanysty órt bastaldy.

Ázirge qaza tapqandar men zardap shekkender týraly aqparat kelip túsken joq, qutqarý operatsııasy júrip jatyr, dep jazǵan Reuters.

Jolaýshylardyń barlyǵy Mysyr azamattary bolyp tabylady dep habarlanǵan.

Osyndaı oqıǵa sońǵy ret aǵymdaǵy jyldyń qańtar aıynda Indonezııada oryn alǵan edi. Ol joly órtengen paromda 17 adam qaza tapqan bolatyn.