Mysyr Joǵarǵy soty erteń eks-prezıdent Hosnı Múbárakqa keshirim berý máselesin qarastyrady
ASTANA. 20 tamyz. QazAqparat - Mysyr Joǵarǵy soty sársenbi kúni eldiń eks-prezıdenti Hosnı Múbárakqa keshirim berip, túrmeden bosatý máselesin qarastyrady. Prokýratýra odan jemqorlyqqa baılanysty taǵylǵan aıypty alyp tastady, dep habarlady Ýtro.rý.
Esterińizge sala keteıik, Hosnı Múbárak 30 jyl boıy Mysyr eline bılik etken bolatyn. Ol 2011 jyly halyq narazylyǵynan keıin taqtan taıǵan edi. Eks-prezıdentke memleket bıýdjetiniń mıllıardtaǵan qarjysyn talan-tarajǵa saldy, sonymen qatar narazylyqqa shyqqandardy óltirý maqsatynda ymyraǵa keldi degen aıyptar taǵylǵan-dy.
