Mysyr ushaǵyn basyp alǵan jankeshtimen birge selfı jasaǵan brıtandyqtyń ataǵy shyqty
ASTANA. QazAqparat - 26 jastaǵy Ben Innes esimdi brıtandyq «tarıhtaǵy eń úzdik «selfı» jasamaq bolyp Saıf el-Dın Mýstafamen birge sýretke tústi, dep jazady Daily Mail basylymy.
Keıin Innes ushaqty basyp alǵannan keıin telefon arqyly anasymen baılanysqa shyqqan. «Sheshem zııany tıip ketetindeı áreket jasamaýymdy surady. Alaıda jankeshtimen «selfı» jasap birge sýretke túskenimdi aıta almadym», deıdi jigit.
Brıtandyqtyń aıtýynsha, ol abyrjymaǵan, sabyrly bolǵan. Óziniń osyndaı áreketke nege barǵanyn Ben túsindire almady.
«Jankeshtiniń belindegi bombanyń shyn jarylǵysh bolsa meniń áreketimne kelip keter eshteńe joq. Alaıda jaqynnan kórýge qyzyqtym», - deıdi.
Keıin ol ushaq ekıpajynyń múshesinen jankeshtimen birge sýretke túsýdi suraǵan. Ruqsat alǵan soń «tarıhı «selfı» jasalǵan.
Aleksandrııadan Kaırge ushqan mysyrlyq EgyptAir kompanııasynyń Airbus A320 ushaǵy áýege kóterilgen soń lańkes basyp alǵan. Saıf el-Dın Mýstafa belinde jarylǵysh bar ekenin málimdegen. «Jankeshti» kelissózder barysynda kepilge alynǵandardy bosatyp, sońynda ózi arnaıy jasaqqa óz erkimen berilgen.